فیس بک نے ’کلیئر ہسٹری‘ ٹول متعارف کرادیا 174

فیس بک نے ’کلیئر ہسٹری‘ ٹول متعارف کرادیا

مارک زکربرگ نے فیس بک میں’کلیئر ہسٹری‘ کا ٹول متعارف کرادیا جس کی مدد سے صارفین فیس بک سے اپنا پرانا ڈیٹا باآسانی حذف کرسکیں گے — فوٹو: اے ایف پی
سماجی رابطوں کی ویب سائٹ فیس بک کے بانی مارک زکربرگ نے صارفین کو اپنا ڈیٹا محفوظ بنانے کیلئے مزید آپشنز دینے کا اعلان کردیا۔
مارک زکربرگ نے فیس بک میں’کلیئر ہسٹری‘ کا ٹول متعارف کرادیا جس کی مدد سے صارفین فیس بک سے اپنا پرانا ڈیٹا باآسانی حذف کرسکیں گے۔

خیال رہے کہ فیس بک کی سالانہ ایف 8 ڈویلپرز کانفرنس کا آغاز ہوگیا ہے جس میں کلیئر ہسٹری ٹول سمیت دیگر نئے فیچرز کے حوالے سے غور کیا جائے گا۔

فیس بک نے ’کلیئر ہسٹری‘ ٹول متعارف کرادیا

فوٹو: اے ایف پی

مارک زکربرگ کا کہنا ہے کہ جب ڈیٹا لیک اسکینڈل کے حوالے سے وہ امریکی کانگریس کے سامنے پیش ہوئے تو بہت سے ایسے سوالات ان کے سامنے آئے جن کے جواب ان کے پاس موجود نہیں تھے۔

کانفرنس سے خطاب میں زکربرگ نے کہا کہ اس کے بعد میں نے فیصلہ کیا تھا کہ صارفین کو ان کے ڈیٹا کا تحفظ یقینی بنانے کے لیے مزید ٹولز متعارف کراؤں گا۔

فیس بک نے ’کلیئر ہسٹری‘ ٹول متعارف کرادیا
فوٹو: اے ایف پی
کلیئر ہسٹری ٹول صارفین کو اس بات کی اجازت دے گا کہ وہ اس ڈیٹا کو حذف کرسکیں جو فیس بک کے سرورز پر محفوظ ہوتا ہے۔ جس طرح انٹرنیٹ براؤزر پر کلیئر کوکیز اور کلیئر براؤزنگ ہسٹری کا آپشن ہوتا ہے اسی طرح فیس بک بھی صارفین کو آپشن دے گا کہ وہ فیس بک کے سسٹم سے ان کا تمام سابقہ ریکارڈ حذف کرسکیں۔

مارک زکربرگ کے مطابق جب اس ٹول کے ذریعے صارفین کو وہ معلومات نظر آنا شروع ہوجائیں گی کہ ماضی میں انہوں نے فیس بک کے ذریعے کن کن ایپس اور ویب سائٹس کو استعمال کیا ہے اور پھر وہ اس ساری ہسٹری کو ڈیلیٹ بھی کرسکیں گے۔

صارفین کو یہ آپشن بھی حاصل ہوگا کہ فیس بک کا سسٹم ان کی اس طرح کی معلومات مستقبل میں اپنے پاس محفوظ نہ کرے۔

فیس بک نے ’کلیئر ہسٹری‘ ٹول متعارف کرادیا

فوٹو: رائٹرز

اس کے علاوہ مارک زکربرگ نے جلد ہی فیس بک میں ایک اور فیچر متعارف کرانے کا اعلان کیا جس کا نام ’ڈیٹنگ‘ ہوگا۔

مارک زکربرگ کے مطابق چونکہ فیس بک کا بنیادی مقصد ہی سماجی رابطوں میں اضافہ ہے لہٰذا ڈیٹنگ فیچر کمپنی کے لیے نہایت ضروی ہے۔

انہوں نے کہا کہ فیس بک پر تقریباً 20 کروڑ لوگ ایسے ہیں جن کی ازدواجی حیثیت غیرشادی شدہ ہے لہٰذا واضح طور پر انہیں کسی نہ کسی کی تلاش ہے اور ڈیٹنگ فیچر ان کی مدد کرے گا۔

فیس بک بانی کی جانب سے ڈیٹنگ فیچر متعارف کرانے کے اعلان کے بعد دیگر ڈیٹنگ ایپس جیسے ’ٹنڈر‘ کے شیئرز میں 18 فیصد اور ’میچ‘ کے شیئرز میں 14 فیصد کمی واقع ہوئی۔

فیس بک نے ’کلیئر ہسٹری‘ ٹول متعارف کرادیافیس بک نے ’کلیئر ہسٹری‘ ٹول متعارف کرادیا

اس خبر پر اپنی رائے کا اظہار کریں

2 تبصرے “فیس بک نے ’کلیئر ہسٹری‘ ٹول متعارف کرادیا

اپنا تبصرہ بھیجیں